১৬ জানুৱাৰীত বটদ্ৰৱা শঙ্কৰদেৱ গৱেষণা প্ৰতিষ্ঠান আৰু কোবাইকটা সত্ৰ পৰিদৰ্শন কৰিব মুখ্যমন্ত্ৰী ড° হিমন্ত বিশ্ব শৰ্মাই।

১৬ জানুৱাৰীত বটদ্ৰৱা শঙ্কৰদেৱ গৱেষণা প্ৰতিষ্ঠান আৰু কোবাইকটা সত্ৰ পৰিদৰ্শন কৰিব মুখ্যমন্ত্ৰী ড° হিমন্ত বিশ্ব শৰ্মাই । 

গুৰুজনাৰ জন্মস্থানত বিশেষকৈ পৰ্য্যটন ক্ষেত্ৰৰ বিকাশ -গুৰুদুজনাৰ ঐতিহ্যময় আধ্যাত্মিক কলাৰ প্ৰচাৰ প্ৰসাৰৰ ক্ষেত্ৰত গ্ৰহণ কৰা পদক্ষেপে অঞ্চলবাসীৰ মাজত সঞ্চাৰ কৰিছে আশাবাদৰ প্ৰতিফলন। মুখ্যমন্ত্ৰী হিচাপে শপত গ্ৰহণ কৰি বিগত মে' মাহত বটদ্ৰৱালৈ আহোতে পৰিচালনা সমিতিক জনাইছিল যে ব্যক্তিগত প্ৰচেষ্টাৰ মাজেৰে তেওঁ কীৰ্তন ঘৰৰ সংস্কাৰ কৰিব বিচাৰে । 

থানৰ উন্নয়ণৰ স্বাৰ্থত পৰিচালনা সমিতিয়ে তাক গ্ৰহন কৰিলে আৰু জুলাই মাহত পত্নী ৰিনিকি ভূঞা শৰ্মাক লগত লৈ উপস্থিত হৈছিল বটদ্ৰৱাত আৰু শুভাৰম্ভণি কৰিছিল ঐতিহাসিক বটদ্ৰৱা থানৰ কীৰ্তনঘৰ মণিকূটৰ চিলিং নিৰ্মাণ, মজিয়াত টাইলছ লগোৱা , বৈদ্যুতিকৰণ , ৰং কৰা গুৰু আসনত হেঙুল হাইতালেৰে সজোৱা …ইত্যাদি কামৰ ।

আজি ছমাহ পিছত সেইকাম ভাগ সম্পন্ন হ'ল। অহা কাইলৈ মাঘৰ দুই তাৰিখে কীৰ্তন ঘৰৰ গুৰু আসন ভাগ পুনৰ স্থাপন কৰাৰ মানস কৰা হৈছে । ইতিমধ্যে বটদ্ৰৱা থান পৰিচালনা সমিতিৰ তৰফৰ পৰা উক্ত অনুষ্ঠানত মুখ্যমন্ত্ৰী মহোদয় আৰু পৰিয়াল বৰ্গক উপস্থিত থাকিবলৈ আমন্ত্ৰণ জনোৱা হৈছে। এই মাঙ্গলিক কাৰ্যত তেওঁৰ সেৱা নিবেদন কৰক। 

ক'ভিডৰ প্ৰভাৱৰ মাজতো চৰকাৰী নীতি নিয়ম ৰক্ষা কৰি কীৰ্তনৰৰ দ্বাৰ উদ্ঘাটন কৰা অনুষ্ঠানৰ আয়োজন কৰা হৈছে । মাননীয় মুখ্যমন্ত্ৰী মহোদয়ে আধ্যাত্মিকতাৰ মাজেৰে জাতীয় সেৱা কৰিব বিচৰা এই কাৰ্যৰ বাবে তেখেতক আশীৰ্বাদ প্ৰদান কৰক। প্ৰকাশ্য যে ড° হিমন্ত বিশ্ব শৰ্মাৰ একান্ত ব্যক্তিগত প্ৰচেষ্টাত গুৰুজনাৰ জন্মস্থান বটদ্ৰৱা থানৰ ঐতিহাসিক সম্পদ স্বৰূপ মণিকূট, কীৰ্তনঘৰ আৰু নাটঘৰটোৰ আন্তঃগাঠনি নিৰ্মাণ মজবুত আৰু নিকপকপীয়া কৰাৰ প্ৰয়াস হিচাপে তিনিও স্থানৰ মজিয়াত মাৰ্বল লগোৱাৰ লগতে আধুনিক প্ৰযুক্তিগত চিলিং নিৰ্মাণ, নতুনকৈ হেঙুল হাইতালৰ ব্যৱহাৰেৰে ন ৰূপত সজোৱা হ'ল বটদ্ৰৱা থান। উন্নত মানৰ বৈদ্যুতিকৰণৰ কামখিনি সম্পূৰ্ণ হৈ উঠিছে। মুখ্যমন্ত্ৰীৰ বটদ্ৰৱা ভ্ৰমণৰ প্ৰস্তুতি দিনে নিশাই চলি আছে । 

প্ৰশাসনে ক্ষিপ্ৰ তদাৰক কৰিছে। মুখ্যমন্ত্ৰী মহোদয়ে বটদ্ৰৱা শঙ্কৰদেৱ গৱেষণা প্ৰতিষ্ঠান আৰু কোবাইকটা সত্ৰ পৰিদৰ্শন কৰিব ১৬ জানু/২২। ধিংৰ পৰা ছাইফুল ইছলামৰ ৰিপোৰ্ট