কিডনীৰ পৰিৱৰ্তে চৰকাৰী চাকৰি !

 কিডনীৰ পৰিৱৰ্তে চৰকাৰী চাকৰি ! কিন্তু কিডনী দিয়ো, চাকৰি নাপালে নিৱনুৱা যুৱক হীৰুমণিয়ে।

চাকৰিৰ আশাত অসম শক্তি বিতৰণ কোম্পানী লিমিটেডৰ মুখ্য মহা প্ৰৱন্ধকৰ আত্মীয়ক কিডনী (Kidney) দান কৰাৰ এক গুৰুতৰ অভিযোগ উত্থাপন কৰিছে নগাঁৱৰ এগৰাকী লোকে।  কিডনীৰ (Kidney) পৰিৱৰ্তে চৰকাৰী চাকৰিৰ অফাৰ! নগাঁৱৰ (Nagaon) এগৰাকী নিবনুৱা যুৱকে চাকৰিৰ প্ৰলোভনত বৃক্ক দান কৰিলে APDCLৰ বিষয়াৰ আত্মীয়ক।

চাকৰিৰ আশাত অসম শক্তি বিতৰণ কোম্পানী লিমিটেডৰ মুখ্য মহা প্ৰৱন্ধকৰ আত্মীয়ক বৃক্ক (Kidney) দান কৰাৰ এক গুৰুতৰ অভিযোগ উত্থাপন কৰিছে নগাঁৱৰ এগৰাকী লোকে। 

নগাঁও চহৰৰ সমীপৱৰ্তী ডিফলুৰ হীৰুমণি শইকীয়া নামৰ এজন যুৱকে এপিডিচিএলৰ মহা প্ৰৱন্ধক কৰবী বৰা ডেকাৰ বিৰুদ্ধে এই অভিযোগ উত্থাপন কৰিছে। জানিব পৰা মতে, বিগত ২০২০বৰ্ষৰ ৩১ডিচেম্বৰত হীৰুমণি শইকীয়াই এপিডিচিএলত ( APDCL) চাকৰি লাভৰ আশাত এপিডিচিএলৰ মুখ্য মহা প্ৰৱন্ধক কৰবী বৰা ডেকাৰ স্বামী দিপ্তাকৰ ডেকাক বৃক্ক (Kidney) দান কৰাৰ কথা সংবাদ মাধ্যমত অৱগত কৰে।

হীৰুমণিয়ে সংবাদ মাধ্যমক আক্ষেপেৰে কয়, “এটা নিম্নবৰ্গৰ চৰকাৰী চাকৰি আৰু এটুকুৰা মাটিৰ বিনিময়ত মই বৃক্ক দান কৰাৰ কথা কৰবী বাইদেউক কৈছিলো। বাইদেউে মোৰ প্ৰস্তাৱ মানি মোক বৃক্ক দান দিবলৈ কৈছিল।

কিন্তু বৃক্ক দান কৰাৰ পিছৰে পৰা তেঁওলোকে মোৰ লগত যোগাযোগ বিচ্ছিন্ন কৰিলে।” আজি নগাঁও প্ৰেছ ক্লাৱত উপস্থিত হৈ হীৰুমণিয়ে এপিডিচিএলৰ উচ্চপদস্থ বিষয়া গৰাকীৰ বিৰুদ্ধে এই অভিযোগ উত্থাপন কৰে। অৱশ্যে এই অভিযোগ সন্দৰ্ভত বৰ্তমানলৈকে এপিডিচিএলৰ উচ্চপদস্থ বিষয়া গৰাকীয়ে এই অভিযোগ সন্দৰ্ভত কোনোধৰণৰ প্ৰতিক্ৰিয়া প্ৰকাশ কৰা নাই।