আৰক্ষীৰ জালত আন এজন চান্দা জীৱি হিন্দু ফেডাৰেচনৰ নেতা

আৰক্ষীৰ জালত আন এজন চান্দা জীৱি হিন্দু ফেডাৰেচনৰ নেতা : চান্দা তুলিবলৈ গৈ ৰঙাঘৰৰ আলহী হল হিন্দু ফেডাৰেচনৰ নেতা ।

 

মুখ্যমন্ত্ৰী ডঃ হিমন্ত বিশ্ব শৰ্মাই চান্দা সংস্কৃতিৰ বিৰূদ্ধে সৰৱ হৈ উঠাৰ পিছতেই ৰাজ্যত চান্দা তুলিবলৈ গৈ ৰঙাঘৰত সোমাইছে ইজনৰ পিছত সিজন সংগঠনৰ নেতা এইবাৰ নাজিৰাত হিন্দু ফেডাৰেচনৰ নামত চান্দা তুলিবলৈ গৈ আৰক্ষীৰ হাতত আটক হ’ল শিৱসাগৰৰ এজন নেতা। দেওবাৰে নিশা নাজিৰাত একাংশ ব্যৱসায়ীৰ পৰা হিন্দু ফেডাৰেচনৰ নামত কোনো চীল মোহৰ নথকা এখন ৰচিদত চান্দা সংগ্ৰহ কৰি থকা অৱস্থাত ভাস্কৰ বৰুৱা নামৰ এজন যুৱকক ৰাইজে আটক কৰি গতাই দিয়ে আৰক্ষীক। ভাস্কৰ বৰুৱাৰ ঘৰ শিৱসাগৰ আমোলাপট্টিত বুলি জানিব পৰা গৈছে আৰু বৰ্তমান ৰঙাঘৰৰ আলহী চান্দা তোলা ভাস্কৰ বৰুৱা।