অপৰাধীৰ বিৰুদ্ধে গৰজিয়ে আছে আনন্দ মিশ্ৰ বাহীনিৰ গুলিয়ে।
ধিঙৰ কদমনীত পুনৰ ড্ৰাগচ মাফিয়াক এনকাউণ্টাৰ আনন্দ মিশ্ৰ বাহীনিৰ।
এনকাউণ্টাৰত ধাৰাসায়ী কুখ্যাত ড্ৰাগচ মাফিয়া শ্বিৰাজুল ইছলামৰ ঘৰৰ পৰা -উদ্ধাৰ হৈছে বৃহৎ পৰিমাণৰ ড্ৰাগচ সহ এটা পিষ্টল।
ৰাজ্যত পুনৰ এনকাউণ্টাৰ চলিল আনন্দ মিশ্ৰ বাহীনিৰ। এনকাউণ্টাৰত ধাৰাসায়ী নগাঁও জিলাৰ বটদ্ৰৱাৰ কুখ্যাত ড্ৰাগচ মাফিয়া শ্বিৰাজুল ইছলাম। ড্ৰাগচ মাফিয়া শ্বিৰাজুলক গোপন সূত্ৰৰ খবৰৰ ভিত্তিত কামপুৰৰ কচুৱাৰ পৰা শ্বিৰাজুলক নগাঁও আৰক্ষীয়ে গ্ৰেপ্তাৰ কৰিছিল।
গ্ৰেপ্তাৰৰ পিছত আৰক্ষীয়ে তদন্তৰ বাবে শ্বিৰাজুলক লৈ গৈছিল বটদ্ৰৱাৰ কদমনীত নিজৰ বাসগৃহত। পুৱতি নিশা আৰক্ষীয়ে শ্বিৰাজুলৰ বাসগৃহত অভিযান চলাই থকাৰ সময়তেই আৰক্ষীৰ জিম্মাৰ পৰা পলাবলৈ চেষ্টা কৰোতেই তাতেই আৰক্ষীয়ে ভৰিত গুলিয়াই এনকাউণ্টাৰ কৰে শ্বিৰাজুলক। লগতে আৰক্ষীৰ অভিযানত শ্বিৰাজুলৰ ঘৰৰ পৰা উদ্ধাৰ কৰে ড্ৰাগচৰ বাকচ সহ এটা পিষ্টল।
উল্লেখযোগ্য যে, কদমনীৰ কুখ্যাত ড্ৰাগচ মাফিয়া শ্বিৰাজুল ইছলামে বিগত বছৰ বছৰ ধৰি আৰক্ষীৰ চকুত ধূলি দি ধিং - বটদ্ৰৱাৰ বিভিন্ন অঞ্চলত গঢ়ি তুলিছিল ড্ৰাগচৰ বিশাল সাম্ৰাজ্য।
বিগত সময়ত এইজন ড্ৰাগচ মাফিয়াই কেনেদৰে চলাই আহিছিল ড্ৰাগচৰ বেহা তাৰ ভিডিঅ'ও ভাইৰেল হৈছিল ছচিয়েল মেডিয়াত। শ্বিৰাজুলৰ বাসগৃহতেই দিন-ৰাতি উঠি অহা একাংশ নৱপ্ৰজন্মই কেনেদৰে ড্ৰাগচ সেৱন কৰিছিল তাৰো দৃশ্য চছিয়েল মেডিয়াত হৈছিল ভাইৰেল।
এনে অসামাজিক কাৰ্যকলাপত জড়িত থকাৰ অপৰাধত বিগত সময়ত কেইবাবাৰো আৰক্ষীয়ে ড্ৰাগচ, পিষ্টল সহ শ্বিৰাজুলক গ্ৰেপ্তাৰ কৰি জেললৈ প্ৰেৰণ কৰিছিল যদিও বাৰে বাৰে জেলৰ পৰা উলাই আহিয়েই পুনৰ আৰম্ভ কৰিছিল ড্ৰাগচৰ বেহাত। অৱশেষত নগাঁও আৰক্ষী অধিক্ষক ৰূপে দায়িত্ব গ্ৰহণ কৰিয়েই আনন্দ মিশ্ৰয় যোৱা ১৯ মে' তাৰিখে পুনৰ ড্ৰাগচ সহ গ্ৰেপ্তাৰ কৰিছিল শ্বিৰাজুলক।
পুনৰ একেই কাহিনী, আকৌ জেলৰ পৰা উলাই আহি আৰু অধিক সক্ৰিয় ৰূপত আৰম্ভ কৰিছিল ড্ৰাগচৰ বেহা। যাৰ ফলত ধ্বংসৰ দিশে গতি কৰিছিল উঠি অহা বহু নৱপ্ৰজন্ম।
অঞ্চলটোত বৃদ্ধি পাইছিল নানান ধৰণৰ অসামাজিক কাৰ্ৰকলাপ। আৰু অৱশেষত যোৱানিশা কামপুৰৰ কচুৱাৰ পৰা শ্বিৰাজুলক আনন্দ মিশ্ৰ বাহীনিয়ে গ্ৰেপ্তাৰ কৰি ভৰিত দুটাকৈ গুলিৰে এনকাউণ্টাৰ কৰিলে কুখ্যাত ড্ৰাগচ মাফিয়া শ্বিৰাজুলক। আৰক্ষীৰ গুলিত গুৰুত্বৰ বাবে আহত ড্ৰাগচ মাফিয়া শ্বিৰাজুল বৰ্তমান চিকিৎসাধীন।
Pls Comment & share