আন এক সফল অভিযান আনন্দমিশ্ৰ বাহিনীৰ নগাঁৱৰ ড্ৰাগচ সম্ৰাট ইফুক এনকাউণ্টাৰ ।

আন এক সফল অভিযান আনন্দমিশ্ৰ বাহিনীৰ নগাঁৱৰ ড্ৰাগচ সম্ৰাট ইফুক এনকাউণ্টাৰ ।

নগাঁৱত চহৰত বহুদিনৰ পৰা সন্ত্ৰাসৰ সৃষ্টি কৰি অহা আব্দুল বাছেদ উৰফে ইফুক অৱশেষত গ্ৰেপ্তাৰ কৰিবলৈ সক্ষম হয় নগাঁও আৰক্ষীয়ে। নিশা নগাঁৱৰ আৰক্ষী অধীক্ষক আনন্দ মিশ্ৰৰ নেতৃত্বত যোৱা আৰক্ষীৰ অভিযানকাৰী দলে নগাঁও চহৰৰ আজাদ নগৰৰ পৰা ইফুক গ্ৰেপ্তাৰ কৰিবলৈ সক্ষম হয়। প্ৰথম অৱস্থাত আৰক্ষীৰ অভিযানকাৰী দলটোক দেখি ইফুৱে পলাবলৈ চেষ্টা চলায় যদিও আৰক্ষীয়ে ভৰিত গুলীচালনা কৰি ইফুক কৰায়ত্ব কৰিবলৈ সক্ষম হয়। 

উল্লেখযোগ্য যে নগাঁৱৰ ড্ৰাগছ সম্ৰাট হিচাপে পৰিচিত ইফু ওৰফে আব্দুল বাছেদ জিলা খনৰ বিভিন্ন ঠাইৰ হত্যা, অপহৰণ, ধন দাবী আদি বহু অপৰাধজনিত গোচৰত অভিযুক্ত। ইফুৱে নগাঁও চহৰত ব্যৱসায়ী সকলৰ পৰা দাবী ধমকিৰে দীৰ্ঘদিন ধৰি অবৈধ ভাবে ধন সংগ্ৰহ কৰাৰ উপৰিও বহিঃৰাজ্যৰ পৰা অহা মাল ট্ৰাক সমূহৰ পৰাও ধন সংগ্ৰহ কৰি আহিছে। কিছু বছৰৰ পূৰ্বে নগাঁও চহৰৰ বৰবজাৰৰ খান ইলেক্ট্ৰনিকৰ স্বত্বাধিকাৰীক দিন দুপৰতে মৰিয়াই মৰিয়াই হত্যা কৰাৰ অভিযোগো আছে ইফুৰ ওপৰত।

প্ৰাক্তন বিধায়ক দুৰ্লভ চমুৱাৰ বাসগৃহত আক্ৰমণ কৰাৰ ইফুৰ বিৰুদ্ধে গোচৰো ৰুজু হৈ আছে নগাঁও সদৰ আৰক্ষী থানাত। কুখ্যাত অপৰাধী ইফু ৰাজনৈতিক বাবেও শক্তিশালী। যুৱ কংগ্ৰেছৰ নেতা হিচাপেও পৰিচিত ইফু। প্ৰাক্তন মন্ত্ৰীৰে ঘনিষ্ঠ হোৱা বাবে ইফুৱে লাভ কৰিছিল পাঠৰি সমবায় সমিতিৰ সভাপতিৰ পদ। নিজকে প্ৰাক্তন মন্ত্ৰী ৰকিবুল হুছেইন আৰু সাংসদ গৌৰৱ গগৈৰ ঘনিষ্ঠ হিচাপে পৰিচয় দিয়া ইফুয়ে বিগত ২০১৯ চনৰ লোকসভা নিৰ্বাচনত কংগ্ৰেছৰ হৈ নিৰ্বাচনী প্ৰচাৰ চলায়ো বিতৰ্কৰ আৱৰ্তত সোমাই পৰিছিল। 

অভিযানৰ সময়ত আৰক্ষীয়ে ইফুৰ আন ৭ জন সহযোগীক গ্ৰেপ্তাৰ কৰিছে। আৰক্ষীয়ে গ্ৰেপ্তাৰ কৰা অপৰাধী কেইটা ক্ৰমে - কবিৰ হুছেইন, ৱাজেদ আলী, সঞ্জো ৰহমান, ফিৰোজ আলী, মিহিৰ দে, সঞ্জয় দেৱ আৰু দিগন্ত বৰগোহাঁই। বৰ্তমানেও মষ্ট ৱাণ্টেড হৈ আছে ইফুৰ প্ৰধান সহযোগী আমিৰ। অভিযানৰ সময়ত আৰক্ষীয়ে ইফুৰ পৰা হেৰ'ইনৰ ৭টা কণ্টেইনাৰ, ২৬ বটল কফ চিৰাপ, গাঞ্জা আৰু নগদ ৬ হাজাৰ টকা জব্দ কৰিছে ।