বজাৰত লাগিছে জুই বিজেপি আছে শুই । শ্লোগানৰে উত্তাল কৰি তোলিলে ধিঙৰ ৰাজপথ

 বজাৰত লাগিছে জুই বিজেপি আছে শুই । শ্লোগানৰে উত্তাল কৰি তোলিলে ধিঙৰ ৰাজপথ

সমগ্ৰ ৰাজ্যৰ লগতে ধিঙতো বটদ্ৰৱা ব্লক কংগ্ৰেছ আৰু দলংঘাট ব্লক কংগ্ৰেছৰ যৌথ উদ্যোগত প্ৰাক্তন মন্ত্ৰী ৰকিবুল হুছেইনৰ নেতৃত্বত আজি জনজাগৰণ কাৰ্যসূচী ৰূপায়ন কৰে । অত্যাৱশ্যকীয় আৰু অন্যান্য সামগ্ৰীৰ আকাশলংঘী মূল্যবৃদ্ধি তথা বিজেপি চৰকাৰৰ দ্বাৰা দেশৰ বিত্তীয় ব্যৱস্থাপনাৰ ভূল পৰিচালনাৰ বিৰুদ্ধে আজি কংগ্ৰেছে গ্ৰহণ কৰিছে এই প্ৰতিবাদী কাৰ্যসূচী ।

 বটদ্ৰৱা আৰু দলংঘাট ব্লক কংগ্ৰেছে যৌথ ভাবে এই কাৰ্যসূচী ৰূপায়ন কৰে ধিং ৰাজীব ভবনত । প্ৰাক্তন মন্ত্ৰী ৰকিবুল হুছেইন আৰু বটদ্ৰৱা সমষ্টিৰ বিধায়িকা শিৱামনী বৰাৰ লগতে প্ৰায় পাঁচ শতাধিক কংগ্ৰেছ নেতা-কৰ্মীয়ে এক প্ৰতিবাদী সমদল বাহিৰ কৰি মূল্য বৃদ্ধি ৰোধ কৰক, বিজেপি চৰকাৰ হাই হাই, নৰেন্দ্ৰ মোদী গৌবেক আদি বিভিন্ন শ্লোগানৰে উত্তাল কৰি তোলে ৰাজপথ ।