এজন প্ৰবক্তাই কালিমা সানিলে গুৰু - শিষ্যৰ সম্পৰ্কত : ফোনযোগে অশালিন প্ৰস্তাব ছাত্ৰীক

এজন প্ৰবক্তাই কালিমা সানিলে গুৰু - শিষ্যৰ সম্পৰ্কত : ফোনযোগে অশালিন প্ৰস্তাব  ছাত্ৰীক ।

গুৰু-শিষ্যৰ পবিত্ৰ সম্পৰ্কত কালিমা সানিলে এগৰাকী প্ৰবক্তাই ৷ কোকৰাঝাৰ জিলাৰ গোসাইগাঁও স্থিত গোসাইগাঁও মহাবিদ্যালয়ৰ ইংৰাজী বিভাগৰ প্ৰবক্তা জয়নাল আবেদিনে এগৰাকী ছাত্ৰীক ফোনযোগে অশালিন প্ৰস্তাৱ দিয়া ঘটনাত তীব্ৰ প্ৰতিক্ৰিয়াৰ সৃষ্টি হৈছে সমগ্ৰ অঞ্চলজুৰি ৷ গোসাইগাঁও কলেজৰ স্নাতক প্ৰথম বৰ্ষৰ এগৰাকী ছাত্ৰীক লম্পট প্ৰবক্তাই যোৱা শনিবাৰৰ নিশা ফোনযোগে নানান ধৰনৰ অশ্লিল প্ৰস্তাব আগবঢ়ায়  ৷ শিক্ষা গুৰুৰ পৰা অশালিন প্ৰস্তাব লাভ কৰি হতভম্ব হোৱা ছাত্ৰী গৰাকীয়ে লগৰ বান্ধৱীক জনায় ৷ তাৰ পাছতেই  AUDIO ভাইৰেল হৈ পৰে ৷ AUDIO ভাইৰেল হোৱাৰ লগে লগে গোসাইগাঁও চহৰত তীব্ৰ প্ৰতিক্ৰিয়াৰ সৃষ্টি হৈছে ৷ আছু,বাঙালী যুৱ ছাত্ৰ ফেডাৰেচন, বাঙালী জনমুক্তি বাহিনীয়ে গোসাইগাঁও কলেজৰ সন্মুখত প্ৰতিবাদ সাব্যস্থ কৰে৷ ছাত্ৰ সংগঠনৰ কৰ্মকৰ্তা সকলে জয়নাল আবেদিন মুৰ্দাবাদ,জয়নাল আবেদিনক গ্ৰেপ্তাৰ কৰক,জয়নাল আবেদিনক চাকৰিৰ পৰা বহিস্কাৰ কৰক আদি শ্লোগান দি পৰিস্থিতি উত্তাল কৰি তোলে ৷