প্ৰচণ্ড মাৰপিট....কেমেৰাৰ সন্মুখতে এটা পক্ষই আনটো পক্ষক লাখুটিৰে খেদি খেদি ভয়ংকৰ আক্ৰমণ ৷

 কেমেৰাৰ সন্মুখতে এটা পক্ষই আনটো পক্ষক লাখুটিৰে খেদি খেদি ভয়ংকৰ আক্ৰমণ ৷

নীলবাগান বজাৰৰ মাজমজিয়াত কেমেৰাৰ সন্মুখতেই যুদ্ধসদৃশ পৰিবেশ ।

দুয়ো পক্ষৰ চাৰিজনকৈ লোক আহত হয় ৷ আহত সকলক ততাতৈয়াকৈ মোৰাঝাৰ আৰক্ষীয়ে উদ্ধাৰ কৰি প্ৰেৰণ কৰিছে চিকিৎসালয়ত। হাতে হাতে লাঠি,বাটাম লৈ আক্ৰমণ প্ৰত্যাক্ৰমণৰ ভয়ংকৰ ঘটনা । দুটা ফৈদৰ ভয়ংকৰ মাৰপিটত উত্তাপ্ত পৰিস্থিতি বিৰাজ কৰিছে নীলবাগানত । এই মাৰপিটৰ সময়ত এগৰাকী কলেজীয়া ছাত্ৰৰ ওপৰতো আক্ৰমণ হোৱা বুলি অভিযোগ উত্তাপন হৈছে। ঘটনাৰ বিৱৰণি অনুসৰি মেথিগাঁৱৰ আব্দুল কুদ্দুছ নামৰ লোকজনে নীলবাগান তিনি আলিত নিজৰ চাৰিচকীয়া বাহনেৰে গৈ থকাৰ সময়ত পথৰ উপৰত পি ডব্লিউ ডিৰ ভূমিত থকা অবৈধ গাড়ী পাৰ্কিংক কেন্দ্ৰ কৰি মাৰপিটৰ সুত্ৰপাত ঘটে ৷ পথৰ উপৰত দুয়োকাষে ই ৰিক্সা ,অট, মেজিক আদি থকাৰ ফলত প্ৰায় সময়ত পথচাৰি ৰাইজ অহা যোৱাৰ ক্ষেত্ৰত বাধাৰ সন্মুখীন হোৱা বুলি অভিযোগ উঠিছে । পথৰ দুয়োকাষে e-Rickshow ৰখাই থোৱাৰ ফলত কুদ্দুছ নামৰ লোকজনে তেওঁৰ চাৰি চকীয়া বাহনেৰে পাৰহোৱাৰ সময়ত গাড়ীখনৰ ক্ষতি সাধন হোৱাক লৈ মাৰপিটৰ ঘটনা সংঘটিত হয় ৷ কিছু সময়ৰ মূৰে মূৰে দলে দলে লোক ওলাই আহি উত্তেজিত হৈ দুয়োফৈদেই তিনি-চাৰিবাৰকৈ মাৰপিট কৰে ।