অশ্লীলতাৰ চৰম সীমা অতিক্রম কৰিলে ৰাসত।

 

ভগৱান শ্ৰীকৃষ্ণৰ পবিত্ৰ ৰাসত  অশ্লীল নৃত্য। একাংশ ল'ৰাই অশ্লীলতাৰ চৰম সীমা অতিক্রম কৰিলে  ৰাসত।

 ২২ নৱেম্বৰ : ভগৱান শ্ৰীকৃষ্ণৰ পবিত্ৰ ৰাসত পুনৰ অশ্লীল নৃত্য৷ একাংশ ল'ৰাই অশ্লীলতাৰ চৰম সীমা অতিক্রম কৰিলে ল'ৰা ৰাসত। এই সকল উশৃঙ্খল যুৱকে ছুটি ছুটি কাপোৰ পিন্ধি তেওঁলোকৰ জংঘা আৰু ঊৰু প্ৰদৰ্শন কৰি হাতত মোবাইল লৈ ৰাস ক্ৰীড়া কৰিলে অগণন দৰ্শকৰ সমুখত।

ভগৱান শ্রীকৃষ্ণৰ পবিত্ৰ ৰাসলীলাত কৰা এনে লজ্জাজনক কাণ্ডত লজ্জিত ৰাজ্যবাসী। এই ঘটনা সংঘটিত হৈছে মৰিগাঁও জিলাৰ হাবি বৰঙাবাৰীত। পৱিত্র ধৰ্মীয় আৰু আধ্যাত্মিক অনুষ্ঠানত এনে ঘৃণনীয় কৰ্মকাণ্ডই যুৱ মানসিকতা কিমান অৱনমিত হৈছে সেয়া স্পষ্ট ৰূপত ধৰা পৰিছে। অসমীয়া জাতিৰ প্ৰাণ প্ৰতিষ্ঠাতা মহাপুৰুষ শ্ৰীমন্ত শংকৰদেৱ গুৰুজনাই মানৱ জাতিৰ কল্যাণৰ হকে অসমত আৰাম্ভ কৰিছিল ভগৱান শ্রীকৃষ্ণৰ পৱিত্র ৰাসলীলা। 

অতীজৰ পৰম্পৰা আৰু ৰীতি নীতিক ভৰিৰে মোহাৰি এই অশ্লীল নৃত্য কৰা উদণ্ড যুৱক সকল আছলতে কোন সেই প্ৰশ্নৰ উত্তৰ বিচাৰি হাবাথূৰি খাইছে হাবি বৰঙাবাৰিৰ ৰাইজে৷ এই সকল উশৃঙ্খল যুৱকক এনে নৃত্য কৰিবলৈ কিয় অনুমতি দিলে ৰাস উৎযাপন সমিতিয়ে এয়াও স্থানীয় অঞ্চলবাসীৰ সন্মুখত এতিয়া সন্মানৰ প্ৰশ্ন হিচাপে ঠিয় দিছে। 

এই দৃশ্য দেখাৰ পিছত আপোনাৰো নিশ্চয় খং উঠিব। সেয়ে এনে ঘটনাই ধৰ্মীয় অনূভূতিত আঘাত হানাটো স্বাভাৱিক। আমাৰ সমাজ ব্যৱস্থা কোন দিশে গতি কৰিছে তাকে ভাৱি শংকিত হৈ পৰিছে অঞ্চলটোৰ সচেতন মহল৷ আশা কৰিম সকলোৱে নিজৰ মতামত আগবঢ়াব।