অতিসোনকালে ভংগ হব এ আই ইউ ডি এফ দল : কোনে দিলে এই ভবিষ্যতবাণী ?

 অতিসোনকালে  ভংগ হব  এ আই ইউ ডি এফ দল :  কোনে দিলে এই ভবিষ্যতবাণী ?

আৰু বেছি দিন নাই ৷ বদৰুদ্দিন আজমল নেতৃত্বাধীন এ আই ইউ ডি এফ দলক অতি সোনকালে ভংগ কৰি দিব ব্যৱসায়ী বদৰুদ্দিন আজমলে৷’ – এই দাবী কৰিছে বিৰোধী প্ৰদেশ কংগ্ৰেছৰ কাৰ্যকৰী সভাপতি তথা বিধায়ক জাকিৰ হুছেইন সিকদাৰে ৷

 মহাজোঁটৰ পৰা কংগ্ৰেছে আঁতৰাই পঠিওৱাৰ পিছত বেয়া দিন যেন আৰম্ভ হৈ গ’ল বদৰুদ্দিন আজমলৰ AIUDF দলৰ ৷ বহু কাকূতি-মিনতি কৰিও কংগ্ৰেছৰ সৈতে মিত্ৰতাত থাকিবলৈ সক্ষম নহ’লAIUDF ৷ ইয়াৰ পিছত শাসকীয় BJPয়ে AIUDFৰ ভৱানীপুৰৰ বিধায়ক ফণীধৰ তালুকদাৰক হাইজেক কৰি নি দলীয় টিকটৰে পুনৰ জিকাই আনিলে ৷ ইয়াৰ বিপৰীতে কংগ্ৰেছৰ পৰা ৰূপজ্যোতি কুৰ্মী আৰু সুশান্ত বৰগোহাঁইক আনি বিজেপিয়ে দলীয় টিকটত দিছপুৰলৈ আনিলে ৷ 

বিৰোধী CONGRESS  আৰুAIUDFৰ পৰা বিধায়ক আনি নিজৰ দল শক্তিশালী কৰা BJPয়ে পুনৰ বিৰোধী শিবিৰৰ পৰা MLA আনিব নেকি ? এনে ৰাজনৈতিক সমীকৰণৰ বিভিন্ন প্ৰশ্ন সৰ্বত্ৰ চৰ্চিত হৈ থকাৰ সময়তেCONGESSয়ে  তুলিলে ভয়ংকৰ দাবী ৷ প্ৰদেশ CONGRESSৰ কাৰ্যকৰী সভাপতি জাকিৰ হুছেইন সিকদাৰে স্পষ্টভাৱে কয় যে বৰ্তমান বেয়া দিন চলিছে বদৰুদ্দিন আজমলৰ AIUDFৰ ৷ সেয়ে অতি সোনকালে ব্যৱসায়ী আজমলে ভংগ কৰি দিব তেওঁৰAIUDF দলক৷ 

জাকিৰ হুছেইন সিকদাৰৰ দাবী – এতিয়া BUSINESS কৰাৰ সময় আজমলৰ ৷ ব্যৱসায়ী আজমলে সঠিক সময়ত সঠিক সিদ্ধান্ত ল’ব জানে ৷ উল্লেখযোগ্য যে বৰ্ষীয়ান কংগ্ৰেছী নেতা তথা প্ৰাক্তন মুখ্যমন্ত্ৰী ডাঃ ভূমিধৰ বৰ্মনেও আজমলৰ AIUDF দলক এসময়ৰ ইউ এম এফ এৰ দৰে ধূলিসাৎ হ’ব বুলি ইতিমধ্যে বহুবাৰ ভৱিষ্যদ্বাণী কৰি থৈ গৈছে ?