ধিঙত নগাঁও মহকুমা ছাত্ৰ সন্থাৰ বাৰ্ষিক অধিবেশনৰ ব্যাপক প্ৰস্তুতি

নগাঁও মহকুমা ছাত্ৰ সন্থাৰ বাৰ্ষিক অধিবেশনৰ ব্যাপক প্ৰস্তুতি  ধিঙত আদৰণি সমিতি গঠন। 

সদৌ নগাঁও জিলা ছাত্র সন্থাৰ অন্তৰ্গত নগাঁও মহকুমা ছাত্ৰ সন্থাৰ বাৰ্ষিক অধিবেশন খনি অহা ২০২২ বৰ্ষৰ জানুৱাৰী মাহৰ ৫ আৰু ৬ তাৰিখে অনুষ্ঠিত কৰাৰ বাবে ধিং আঞ্চলিক ছাত্ৰ সন্থাৰ উদ্যোগত আৰু ধিং বাসী ৰাইজৰ সহযোগত দুদিনীয়া কাৰ্যসূচীৰে ধিঙত অনুষ্ঠিত কৰাৰ বাবে ব্যাপক প্ৰস্তুতি চলাইছে। 

এই উপলক্ষে যোৱা কালি ধিং স্থিত গড়কাপ্তানী পৰিদৰ্শন বঙলাত এখন সাধাৰণ সভা অনুষ্ঠিত হয়। ধিং আঞ্চলিক ছাত্ৰ সন্থাৰ সভাপতি ভাস্কৰ জ্যোতি নাথৰ সভাপতিত্বত অনুষ্ঠিত হোৱা ৰাজহুৱা সভাত বৃহত্তৰ ধিং অঞ্চলৰ ৮০ দশৰ পৰা আজিলৈ ছাত্ৰ সন্থাৰ লগত জড়িত ছাত্ৰ নেতা কৰ্মী আৰু ছাত্ৰ সন্থাৰ শুভাকাংক্ষী সকল উপস্থিতিত এখন শক্তিশালী আদৰণি সমিতি গঠন কৰাৰ লগতে কেইবাখনো উপ-সমিতি গঠন কৰা হয়। 

প্ৰাক্তন ছাত্ৰ নেতা ৰুদ্ৰকান্ত শইকীয়াক সভাপতি যতীন নাথক কায্যকৰী সভাপতি আৰু মুকুল কলিতা, ভাস্কৰ জ্যোতি নাথক মুখ্য সম্পাদকদ্বয় হিচাপে লৈ এখন শক্তিশালী আদৰণি সমিতি গঠন কৰা হয়।বৃহত্তৰ ধিং অঞ্চলৰ প্ৰায় শতাধিক প্ৰক্তন ছাত্ৰ সন্থাৰ নেতা কৰ্মীৰ লগতে স্থানীয় ৰাইজে অংশ গ্ৰহণ কৰা উক্ত সভাত সদৌ নগাঁও জিলা ছাত্র সন্থাৰ সম্পাদক অমৰ জ্যোতি ফুকন, নগাঁও মহকুমা ছাত্ৰ সন্থাৰ সভাপতি সিমান্ত বৰাৰ লগতে কেইবাগৰাকী বিষয়ববীয়া উপস্থিত থাকি ধিঙত অনুষ্ঠিত হবলগিয়া নগাঁও মহকুমা ছাত্ৰ সন্থাৰ অধিবেশন খনি সাফল্যমণ্ডিত কৰিবলৈ সকলোৰে সহায় সহযোগিতা কামনা কৰিছে।