বলিউড চিনেমাৰ কাইদাৰে লুটি নিলে সোণৰ গহনা..সাৱধান হওক অন্যথা প্ৰবঞ্চকে পিয়া পি দি ফুৰিছে আপোনাৰ ওচৰে পাজৰে ।

 সোণৰ গহনা চাফা কৰি দিব বুলি কৈ কৌশলৰে লুটি নিলে সোণৰ গহনা : প্ৰৱঞ্চকৰ জালত পৰি মহিলাই হেৰুৱালে নিজৰ সাচতীয়া সোণ । 

বলিউড চিনেমাৰ কাইদাৰে শুৱালকুছিৰ মহিলাৰ পৰা সোণৰ চেইন লুটি নিলে প্ৰবঞ্চকে । চকুৰ সন্মুখতে আঢ়ৈ তোলা ওজনৰ সোণৰ চেইন লৈ উধাও প্ৰবঞ্চক ! পূব শুৱালকুছিৰ কল্যানী দেৱী নামৰ এইগৰাকী মহিলাৰ পৰা লুটিলে সোণৰ চেইন ! প্ৰথমে ঘৰলৈ সুমাই আহিল দুই যুৱক মাত লগালে চোতালৰ পৰা....! তেওঁলোকে চাফা কৰে কাহ পিতলৰ বাচন ! প্ৰথমে বিচাৰিলে তামোল পান বঁটা চাফা কৰিবলৈ ! বঁটা খন চকমকীয়া কৈ চাফা কৰি দিলে আৰু তাৰ পাছত প্ৰবঞ্চকৰ চকু পৰিল কল্যাণী দেৱীৰ ডিঙিত পিন্ধি থকা সোণৰ চেইন ডালত ! 

বঁটা খনৰ দৰেই সোণৰ চেইন ডাল চাফা কৰিবলৈ দিয়াত দুই প্ৰবঞ্চকে এটা পেকেটত ভৰাই দিলে সোনৰ চেইন ডাল, মহিলা গৰাকীক কলে - এতিয়া নুখুলিব ১০ মিনিট পাছত খোলক নতুন চেইনৰ দৰে হৈ যাব আপোনাৰ চেইন। প্ৰবঞ্চকে এৰিলে মহিলা গৰাকীৰ ঘৰ ১০ মিনিট পাছত পেকেট খুলি হতবাক কল্যাণী দেৱী ! পেকেটৰ ভিতৰত এয়া শিল গুটি আৰু গুৰি ! ১০ / ১৫ মিনিটৰ ভিতৰতে সোণৰ চেইন লৈ উধাও চোৰ ! অচিনাকি মানুহক বিশ্বাস কৰি এতিয়া মূৰে কপালে হাত দিছে মহিলা গৰাকীয়ে ! গতিকে সাৱধান হওক অন্যথা প্ৰবঞ্চকে পিয়া পি দি ফুৰিছে আপোনাৰ আসে পাশে।